Sèkstòy : poukisa ?

 Li satisfè m plis pase lè m kouche ak yon gason. M ka di si m kouche ak 10 gason deja, 2-3 ki fè m voye san m pa touche tèt mwen. Poutan, lè m itilize sèkstòy la, m gen 100% chans pou m satisfè. 

Sara Pierre (non prete) se yon jèn ayisyèn ki fini etid klasik li an Ayiti. Touswit aprè, li pran chimen Larisi kote l ap fè etid inivèsitè li. Se pandan li kite Ayiti, li dekouvri sa ki sèkstòy la. Li te pale nou eksperyans li ak aparèy sa. "m te santi m byen, se menm jan m t ap woule krèt mwen" deklare Sara. Li kontinye pou l di: "sèkstòy la bon anpil, li evite m fè anpil efò". 

Sara fè konnen li jwenn ase plezi ladan l, li prefere mastibe olye li t al fè bagay ak yon gason ki paka fè l voye. Nan echanj etidyan an te gen avèk nou, li rapòte nou li pa gen lè egzat pou l itilize sèkstòy la. Depi l anvi dekonprese l, li mastibe ak sèkstòy la. Li garanti nou li toujou satisfè. " Li satisfè m plis pase lè m kouche ak yon gason", fè konnen Sara. Li vanse pou l di : "m ka di si m kouche ak 10 gason deja, 2-3 ki fè m voye san m pa touche tèt mwen. Poutan, lè m itilize sèkstòy la, m gen 100% chans pou m satisfè". 

Vanessa Joseph (non prete), etidyan nan sikoedikasyon, fè konnen : "yon moun ki itilize sèkstòy se moun ki nan eksplorasyon kò yo ak fason pou yo bay plezi". Li pouswiv pou l di 2 moun ki ansanm, se pa tout fwa tou 2 anvi plumen an menm tan. "Mastibasyon ak yon zouti ki fèt pou sa, ka tanpere anpil fristrasyon ki te ka genyen ant 2 moun ki ansanm" presize Vanessa.

Men gen yon risk ladan l, etidyan an sikoedikasyon an mansyone adiksyon. "Si moun nan fè l pa pou pran plezi odepa, si l pa kontwole, si l pa ekilibre men li fè l pou chase yon move sansasyon, li ka antre nan chema adiksyon an", deklare Vanessa. Li fè konnen depi gen adiksyon, se ak sa moun nan adikte a l ap panse, men li vin pa yon altènativ ankò ki se pran plezi ak yon moun. "Altènativ la ka kalme pilsyon an jiskaske l jwenn sèkstòy la pou l manevre l jan l vle", eksplike etidyan an sikoedikasyon.

Lournadjoo JEAN-GILLES, (non prete), etidyan an medsin fè konnen li pa konnen ak ki matyè aparèy la fèt, li jis wè l nan foto, men li byen anvi eseye. Lournadjoo fè pwen sou ijyèn. "menm jan lè n ap woule krèt nou ,si nou pa byen jere ijyèn nan, nou ka mennen bakteri k ap vin abouti a enfeksyon nan bouboun nou", rakonte etidyan an medsin nan. Nan pratik matibasyon an, fanm ka pran enfeksyon sa yo "Vulvite", "Vaginite", "Cystite", " infection urinaire".

Pou evite enfeksyon sa yo, Lournadjoo konseye tout moun k ap pratike mastibasyon ak sèkstòy, dabò fòk yo dezenfekte materyèl la avan yo itilize l, answit fè twalèt lè yo fin mastibe, aprè pa lage ti flè oubyen ti jwèt la nenpòt kote. 

An 2013, gwoup mizikal "KLASS" sòti yon albòm ki rele "fè l vini avan". Plak la te gen 11 mizik ladan l, an 10èm pozisyon, te gen yon mizik ki gen pou non "Bootleg". Mizik sa fè pwomosyon pou fanm gen sèkstòy, pou mesye yo achte l pou patenè yo. 10 lane aprè, Roody Roodson sòti 2èm albòm li ki rele "TOU 9". 14èm mizik ki gen nan plak sa sou 16, mizik sa rele "Ti jwèt la" ki genyen kolaborasyon Mechans-t ladan l fè menm apoloji sèkstòy. Posib ka gen plizyè lòt mizik ki pale sou sijè sa. Men sa ki fè lyen ak 2 mizik sa yo, gason an santi li pa prè oubyen li paka satisfè patenè l pou moman an, li dakò pou fanm nan sèvi ak bootleg la oubyen ti jwèt la olye fi a genyen yon lòt patenè. 

Pou etidyan an sosyoloji Dieula Joseph (non prete) wè yon moun ki chwazi itilize sèkstòy s on moun ki santi l lib nan kò l, nan lespri l, lib pou l eksplore tèt li sou plan seksyèl epi jwi endepandans seksyèl li chwazi bay tèt li. Li tou konpare pwomosyon k ap fèt pou sèkstòy la ak yon kategori nan mouvman feminis lan. "M di sa se pa rapò ak yon kategori feminis enfliyan konn fè apwòch yo, pa egzanp ki di depi yo gen ti zouti yo, tout gason mèt mouri", obsève Dieula. 

Etidyan an sosyoloji an rive konprann ane avan yo pat gen tout pwomosyon sa yo, se platfòm sosyal yo ki fè l rive pi vit sou tout kouch sosyal. Avèk libète ekspresyon, moun ka rive pale sou preske tout sijè tankou seksyalite, se s on pwen ki fè sèkstòy la vilgarize chak jou. 

"m pa chwazi itilize sèkstòy pou m pa devlope yon adiksyon, epi m pa santi m gen bezwen sa tou, men yon moun ki itilize l, m pa wè l kòm yon deprave", deklare Dieula. Li fini pou l di : "m wè s on moun k ap jwi libète l seksyèlman". 

Gathely D. CHERY 

Tikal: Yon powèm sou twa wòch dife

Sa fè bon de twa lanne, literati kreyòl blayi kò l nan tout kwen peyi a. S on epidemi ki jwenn jarèt kèk majòjon tankou: Georges Castera, Frankétienne, Félix Morisseau-Leroy, Gary Victor, Lyonnel Trouillot, elatriye…

Lè n fè je n travèse zèv mesye sa yo n a konprann ke literati kreyòl la pote yon bèlte ki byen dous, li charye tout enèji natirèl yo, epi pote souf lavi ban nou nan de pla men.

Literati kreyòl la dous, chak moun pran tikal, se konsa Kervens CHERY, ki se yon jèn powèt ki kale nan Machan Desalin, drese moso lavi l, nan yon powèm k ap mache kontre legzistans.

TIKAL s on powèm ki layite twa grenn zye l sou kat kwen peyi a, s on melodi sou lanmou, lanmò ak lavi.

Se nan powèm sila, otè a ban nou yon lòsyè nan sa l wè, viv, epi tande.

Lè nou plonje je nou andetravè nan powèm nan, nou wè powèt Kervens fè elòj pou libète lapawòl ak rigè e lonètete, powèt la fè nou konprann nan yon tikal powèm ke nou dwe gen kapasite pou nou simaye moso koze lè sa pa mache, nou dwe pale san tete lang ,nou dwe responsabilize sa k dwe responsab e pran responsabilite nou ak de men.

« Si yo mande w

Pa mete baboukèt

Pèp la twò paladò

Di yo 

Se ou k te bay twou vid

Pou tout basketè make pwen

Nan panyen lavi m »

Pi devan, powèt la drese lanmou mete sou yon tab, li envite tout moun vin pran tikal,vin goute ak powèt la,vini, vini, lanmou twò piti pou latè.

Nan Tikal, powèt Kervens pa wè tèt li sèlman li wè l bò kote yon lalin k ap dodomeya sou kè l. 

San pran tan nou konprann powèt la donte lanmou avèk anpil ladrès.

Menm jan Powèt Douglas Zamor fè kwè lanmounite an « Se posibilite nou genyen pou nou renmen yonn lòt. Pataje konesans renmen an. Epi ede yonn lòt avanse san fòskote. »

«Lè m avè w

Mwen naje kou pwason fou

nan kontantman

Souri m longè souf mwen »

"Fanm nan gade m 

byen gade

epi l manje dan

l ap gade m

ak tout anvi di li sou li

li wè tout sa l ta fè m

li menm imajine m

k ap chanje lwil nan motè l

ou ta di mekanisyen

k ap deboulounen

2 pyès nan lestomak li 

pak an pak »

Nan Tikal, Powèt Kervens pran tikal nan lanmò tikal nan lavi, chak moun jwenn tikal, li ranmase tout souri sou latè pote ale byen lwen bay letènite.

Powèm nan kenbe souf li, li mare senti l pou l gade ale lavi k ap depafini tikal pa tikal, kwè m TIkal s on ponyen sèl nan mitan twa wòch dife…

Wolbens Jean-Baptiste

Manoucheka Services Esthétiques, une référence en matière de beauté.

De nos jours le maquillage devient un besoin quotidien chez beaucoup de femmes, elles affirment que le maquillage permet de mettre en valeur la féminité, en ce sens le make-up est très en vogue. Pour assouvir ce désir de brillance et de grâce chez ces femmes, Manoucheka Services Esthétiques se met entièrement à leur disposition en offrant de multiples services.

Cette jeune entrepreneure qui s'est lancée sur cette voie près de deux années sait comment définir la créativité, et cherche à montrer les multiples facettes que peuvent rêvetir la question de beauté, elle sait également jouer avec les couleurs pour créer un visage irrésistible. Elle offre différents types services depuis son entrée dans le métier tels que;

Les coiffures stylées, manicure, pédicure et autres.

Elle prend également soin des cheveux qui sont atteints d'alopécie, des cheveux desséchés et toutes autres imperfections. Si la cliente présente également des imperfections sur le visage comme des acnés, un surplus de sébum, elle trouvera des solutions adéquates chez Manoucheka Services Esthétiques. Elle est à votre entière disposition et peut vous procurer tous les services nécessaires.

Ces compétences ne s'arrêtent pas là, elle étudie également les sciences-infirmières à l'université d'État d'Haïti. Elle est une jeune femme brillante et perspicace qui veut à tout prix créer sa propre lueur d'espoir. Elle veut apporter son touche de bien-être à son entourage en produigant les soins dont certaines ne peuvent s'en passer, d'où la fabrication de son bain d'huile pour un cuir chevelu fraîche at apaisant. Elle jongle entre deux mondes distincts, celui de la beauté et de la santé qui se fusionnent de temps à autre.

N'hésitez à lui confier vos soins esthétiques pour les multiples occasions qui se présentent à vous quotidiennement. Pour plus d' informations n'hésitez à la contacter au numéro suivant: 3193-3494. Son agence de beauté est logée à Cap-Haïtien, fondation Vincent, ruelle Borno #19.

Gathely D. CHERY

Ribrik 10 kesyon oze: Manoucheka CHERIZAR

Manoucheka CHERIZAR se yon jèn nègès ki mete kanpe Manoucheka Services Esthétiques. Ajans sa mete aksan anpil sou bote, tankou fè zong, mekòp, trètman cheve ak anpil lòt sèvis. Amabilité Magazine kontan poze etidyan nan syans enfimyè a 10 kesyon oze.

AMAG: Kisa ki ka pwovoke laperèz lakay ou?

M.C : Echèk

AMAG: Antanke jèn k ap bouje nan yon peyi tankou Ayiti, kibò w jwenn enèji pou w kontinye?

M.C: Sou entènet la epi bò kote moun nan antouraj mwen k ap fè bagay pozitif.

AMAG: Ki konsepsyon ou genyen de moun k ap pratike fè bagay nan tou dèyè ? (Sexe anal)

M.C: Sa m pa vrèman ka opine sou li paske se yon bagay m jis tande konsa ke m pa menm chwazi fè rechèch sou li.

AMAG: chwazi yonn: yon envèstiman 100.000 dola ameriken nan Manouchka Services Esthétique oubyen yon rezidans 10 lane nan peyi Ozetazini ?

M.C: M t ap chwazi premye a paske aprè envèstisman epi siksè anpil lòt bagay t ap vini.

AMAG: ki pwopozisyon ou jwenn deja ki te fè w kriye?

M.C: M poko jwenn sa

AMAG: Sa "bwa kale" vle di pou ou?

M.C: peyi lòk , manifestasyon epi lavi a ki vin pi di

AMAG: ki desizyon ou pran nan lavi w regrete deja?

M.C: Desizyon yo anpil e yo fè mal, ann kite yo pase estad sikatrizasyon an.

AMAG: Ki pi gwo manti ou bay menaj ou?

M.C: Di l ke m pa te konn pale ak èks mwen lè nou te fenk rankontre.

AMAG: konbyen fwa ou pratike mastibasyon pa semèn?

M.C: M pa pratike bagay sa paske m twouve li ridikil pou fiy, sitou lè w pa genyen materyèl seksyèl m wè medam yo itilize nan dènye tan yo.

AMAG: ki non "kwòch" ou ? (Crush) ?

M.C: M pa genyen kwòch

Kontinye swiv Amabilité Magazine pou yon lòt ribrik 10 kesyon oze ak yon lòt pèsonaj.