Bob, yon zetwal nan literati

John Bob Widly JOSEPH s on powèt a gran P. Se ba latinonit li boujonnen nan yon n zòn ki rele Lyankou.

Sa n dwe konnen depi Bob pran ti plim li, li pase l nan zorèy kaye a konnen gen yon ti lèzanj k ap fè pwezi a filalang. Nan pwezi li yo, w ap jwenn kichòy. Se medikaman pou djèdjè, tèks li charye anpil ti mo dou ki ka fè fanm souri menm atenn ògas nan dòmi sitou si yo dòmi san kilòt.

Si w se lanmourèz Latibonisyen an, ou pa wè l on jou konnen ou deja sitizenn nan peyi chagren, 3 jou menm s on bon kout priyè pou sove w pou bawon pa fè djapòt sou ou . Vè sa ap fè n wè m pa paladò kwè nonm pèleren 5 lan :

"Yè swa m annik 

wè desen w nan yon nyaj

Kè m kòmanse riminen w

Pou jouk dòmi pran m"

Powèt la toujou vle peyi l gen on lòt vizaj (sitou zòn li abite a menm) tankou nan vè sa menm :

"Lapli a dezitrate Tapyon

Moun payen panike

Kanivò Lyankou

devni omnivò pou manje"

Sa m renmen nan pwezi Powèt la li gen anpil vibrasyon , imaj blayi sou konn peyizan sou yon atè miyò aprè on vant midi. Figi èstil fè lapli yo tèlman tonbe ak raj lagrenn tonbe sou powèm yo. Mesye sa a tout moun ta dwe li l si w bezwn konn alsiyis lalin lè l ap gouye ak zetwal.

             KV Machann mo.